1.Çün bezm-i ezel açıldı bugün

Ol dost ile bayram oldu bugün

Âşıklara seyrân oldu bugün

Nûr Muhammed’in bendeleriyiz

Vahdet gülünün bülbülleriyiz

 

 2.Tesnîm şarâb mestânesiyiz

Şem’a-i muhît pervânesiyiz

Esdâf-ı vücûd dürdânesiyiz

Nûr Muhammed’in bendeleriyiz

Vahdet gülünün bülbülleriyiz

 

3. Sâkî-yi şârab ol Haydar Alî

Doldurdu bize cür’a-yı sâfî

Eyledi ebed Mestâne bizi

Nûr Muhammed’in bendeleriyiz

Vahdet gülünün bülbülleriyiz

 

 4.Nakşîbendi’nin sâlikleriyiz

Rif’at Melâmi havzeleriyiz

Seyyid Alî’nin dervîşleriyiz

Nûr Muhammed’in bendeleriyiz

Vahdet gülünün bülbülleriyiz

 

 5.Ten Ya’kûb’unun mahbûblarıyız

Cân Yûsuf’unun âşıklarıyız

Derde düşenin tabîbleriyiz

Nûr Muhammed’in bendeleriyiz

Vahdet gülünün bülbülleriyiz

 

 6.Ol kutb-u cihân eyledi ayân

Fakriyle fenâ bildirdi beyân

Tahsîlde göründü cümle ayân

Nûr Muhammed’in bendeleriyiz

Vahdet gülünün bülbülleriyiz

 

 7.Aşk ile firâk zevk ile sibak

Bildirdi bize mecmû-yi kitab

Talîbî’ye çekmez dostu nikâb

Nûr Muhammed’in bendeleriyiz

Vahdet gülünün bülbülleriyiz